走出面癱低谷 抗癌歌手笑看人生
【本報訊】近日輕生新聞頻仍，當中更包括只有十多歲的小學生。與癌魔搏鬥七年的美女歌手李明蔚（Sarena），對此現象感到很心痛：「好後生，仲有好多時間，你唔知道之後會發生咩事，之後嘅路好漫長，可能會更好呢，所以唔好咁快就放棄！」
受毀容女生啟發 接受缺陷
Sarena早年曾經歷多次化療，聲音變得沙啞，惜病情未見好轉，更出現面癱、說話咬字不清晰等情況。近來Sarena的病情又再轉差，腫瘤擴散至肺、肝、腎以及骨。面癱令Sarena的右眼眼珠動不了，睡覺時更要用膠紙貼住：「都有一個月唔想見人，因為覺得好怪呢半年眼珠又郁唔到，好似『鬥雞眼』咁樣，都係好驚見到人。」
天生樂觀積極的Sarena，很快就振作起來：「有一次我上網見到個外國女仔，細個嗰陣畀屋企人搞到毀容，但佢都將自己嘅容貌、故事分享出去，我覺得佢嗰份自信好靚。我依家都接受咗自己，我唔會再諗人哋點睇，我係咁o架啦。」
受到外國女孩的啟發，Sarena走出低谷，將自己的容貌面向大眾，以經歷作分享，希望鼓勵大家遇到挫折時不要輕言放棄，更要珍惜生命。
癌病令Sarena不能正常工作，她便想到用自己最喜歡的花，去製作一些乾花心意卡、花環、相架等分享快樂。
Sarena病情雖然有惡化迹象，但她坦言不會再去想自己還可以活多久，反而應活在當下，把握好和家人、朋友相處的時間。她希望可以再遊歷多些地方，多讀點書增值自己，以及趕及在七月書展時出版新書，將自己的抗癌故事分享出去。