政情：陪太太買內衣 馬偉明唔尷尬
情侶或夫妻行街拍拖，要陪另一半購買女裝內衣，往往係男士最怕遇上嘅場面。不過著名時裝設計師、香港時裝設計師協會副主席馬偉明（Walter），陪太太買內衣就完全唔會覺得尷尬。
仲以職業角度提供意見
Walter話因職業關係，日常接觸嘅客人不但以女士居多，就連物色模特兒亦都係以女性為主。由於見盡娥眉粉黛，就算有異性胴體喺面前都唔怕難為情，所以佢陪太太選購內衣不但無面紅，仲會提供最專業嘅意見。
雖然內衣係畀外衣遮蓋，但唔代表可以忽視內衣。佢話設計同剪裁得宜嘅內衣有助優化身材線條，令到外層嘅衣着更合身。至於部分藝人更懂得淺色外衣之下配深色內衣去加強視覺效果，佢話呢種配搭方法唔係人人都啱，一般衣着場合都係肉色內衣最穩陣喇！