政情：林煒珊再佗B 堅持唔戒口

林煒珊嘅囡囡已經九歲，佢話本來早就想生多個Ｂ陪下囡囡，點知想要嘅時候就冇，冇諗過有就有咗BB。雖然佢已為人母，但坦言相隔咗咁耐時間，乜都唔記得晒，變番新手媽咪，所以不停咁問身邊好友，要注意啲乜嘢，唯一冇變嘅就係唔戒口，生冷嘢又食，魚生都照食。

呢排香港爆發麻疹，孕婦更加要小心喎。佢就話已經問過醫生，話佢體內仲有抗體，所以呢方面大可放心咁話。

囡囡初時擔心分薄媽咪啲愛

咦！咁囡囡咪好開心，可以做家姐嘞！但林煒珊話囡囡初時知道媽咪有咗嘅時候係唔開心，因為擔心媽咪會照顧細嘅多啲，分薄咗啲愛，後來佢同親戚朋友同囡囡分享咗有兄弟姊妹嘅好處，囡囡依家就接受咗，仲好期待BB出世添！