忍野沙羅 火辣情婦

好多女星都係靠性感演出而成功吸引觀眾注目,而擁有雪白G奶嘅忍野沙羅一直走性感路線,但係最近上位唔係靠露肉,而係因為一場怒氣沖沖嘅演出,究竟呢場戲有幾吸引呢?

無敵身材

如果你問小弟認為現役日本寫真妹當中,邊一位擁有足以稱霸業界嘅極品身材?我嘅答案唔會係「寫真界最強Body」染谷有香,亦唔會係決定於春季之後封胸唔再拍寫真集嘅絕色美人葉加瀬舞衣,而係今日同大家見面嘅忍野沙羅!

23歲嘅忍野沙羅一副正統派美貌明艷照人,五官標致,一雙水汪汪又黑白分明嘅眼睛電力十足,令人暈晒大浪。沙羅個樣夠晒煞食,身材更係所向無敵,一來身材夠高挑,二來皮白肉嫩,而且前凸後趷,一對高聳入雲嘅純天然G奶軟彈適中,真係火辣到不得了,點解塵世間會有一副咁好嘅身材呢?

演得投入

忍野沙羅身材好又靚女,由賽車女郎轉做寫真女郎以來,推出嘅寫真作品一直都有銷量保證,喺第二部寫真映像作品《Re-Born》更加連續三星期雄踞Oricon藍光版寫真偶像映像碟排行榜冠軍,同時亦成為2016年銷量冠軍添!隨住人氣愈來愈高,沙羅經常被邀請成為電視綜藝節目嘅嘉賓,亦為節目擔任記者。

近期沙羅又再一次成為話題,原因係靠一場暴怒戲份。話說佢喺日劇《絕對正義》中扮演女主角議員老公嘅情婦,畀男方打到頭破血流後,拎住鐵棒去到拉票活動場地揭破對方嘅假面目,一輪控訴之後,就向男方手起棒落,就係呢場戲獲大讚演得夠晒投入同逼真,睇嚟阿妹未來會有更多機會拍劇喇。

社交網站

簡介:雖然忍野沙羅嘅演技獲得好評,但係近期主要工作都係拍攝水着寫真,而喺佢嘅社交網可以睇到拍攝花絮之外,仲會有好多性感自拍照畀大家欣賞。
網址:https://twitter.com/oshino_sara/media

忍野沙羅 Profile

年齡:23歲
身高:5呎4吋
三圍:37G-24-35

撰文:賢