超強颱風山竹襲港至今相隔半年，但好多塌樹仍未清理好，好似牛頭角有公共屋邨附近爆發嚴重鼠患，正正因為山坡嘅塌樹未清理，啲老鼠匿晒喺啲連根拔起嘅枯樹地洞，近百隻巨鼠更衝入民居覓食，但係食環署只係放啲老鼠藥就當交差。老實講，塌樹未清係食環署嘅責任，而署長劉利群之前講過話會用新科技去捉鼠，亦冇咗下文，佢就翹埋雙手乜都唔做，市民就繼續受苦，唔激起公憤先奇喇！
