政情：行政署署長蔡潔如退休 梁悅賢接火棒

蔡潔如喺二○一二年七月中出任行政署署長，而喺二○一四年爆發「雙學三子」周永康、黃之鋒同羅冠聰衝擊政府總部東翼前地事件，其後為免政府總部被癱瘓更一度關閉東翼前地，及後再重新開放，而收緊東翼前地集會限制嘅決定，舊年更被高等法院裁定違憲，政府其後提出上訴。

其實，依家有唔少遊行都選擇喺東翼前地作為終點，並舉行集會，之前已出現過因為阻止示威人士帶港獨標語入內而發生混亂同衝突，睇嚟梁悅賢接手之後都幾頭痕。

另外，駐京辦前主任傅小慧將於四月十七日出任律政司政務專員，接替將展開退休前休假嘅蕭如彬。