緣分無處不在，有時真係好巧妙。早前喺一個活動上見到善德基金會主席董吳玲玲（右）同浙江省同鄉會聯合會婦委主席應炳囡（左），兩人有講有笑，十分老友。董吳玲玲笑稱，因為大家都係有「正能量」嘅人，而且性格好夾，就連佢哋第二代都係老友，細仔Donald係應炳囡女兒個BB嘅契爺，所以佢亦升呢做埋契嫲。有咁多重嘅緣分，難怪兩人咁啱傾喇。
