政情：亞洲人多近視 周伯展話基因問題

周伯展話外國人經常進行戶外活動，所以較少人有近視，而且基因與亞洲人唔同亦有關。佢就話有研究指中國、印度等古老民族，以往需要打獵而視力優秀，可以望到遙遠嘅獵物，但隨住生活改變毋須打獵，反而睇近距離物件需要多咗，所以基因轉變符合需要，只係人類進化唔夠完美而變咗深近視啫！

慨嘆促減功課量不成

既然戶外活動對眼睛有好處，佢覺得應該多啲向學生推廣，每日至少有個半鐘對眼睛健康有幫助，比戴眼鏡同滴眼藥水更有用，學校應該要減少功課量配合添！不過佢就大嘆自己曾經向前任同現任教育局局長吳克儉同楊潤雄建議過，但係都未能成事喎。佢認為外國功課唔多都孕育出傑出學生，認為教育制度有得改。