和富大埔黎明SC下周三旺角鍊過

面對正選平均年齡只有21歲的黎明SC，和富大埔開賽初段反客為主，哈利4分鐘接應長傳快腳抽射，僅僅高出。伊高沙托尼2分鐘後左路突破傳中，辛祖近射中柱。站穩陣腳的主隊，之後頻頻靠兩翼快速突擊還以顏色，幸和富大埔防線有穩定演出，將主隊攻勢一一瓦解。

辛祖中柱艾華度護空門

戰至21分鐘，伊高沙托尼左路突襲施射被主隊門將李哲成擋出；黃威2分鐘後同樣於左路窄位起腳，惟同樣逃不過李哲成十指關。及後主隊幾乎於38分鐘入波，幸艾華度及時護空門，上半場雙方踢成0比0。

易邊後，和富大埔一度受壓，主隊中場金功範近門頭槌中楣。和富大埔末段乘對手體力下降，調入李嘉耀和陳肇鈞加強活力，前者在84分鐘一次右路傳中，辛祖左腳施射高出，最終雙方互無紀錄完場。

賽後，和富大埔主帥李志堅表示，對首回合作客和波感到滿意，「堅爸」說：「算係滿意賽果，始終對手有番咁上下實力，行軍快速，好彩我哋球員都依足賽前部署，比較可惜嘅係攞唔到作客入球。次回合有信心可以喺主場贏波晉級，目前最大敵人係自己同時間，因為要星期四（7日）晚先返到香港，星期六（9日）就要喺聯賽作客理文，今場比賽有一定體力消耗，希望球員可以爭取時間休息。」

黃威呼籲粉絲入場撐

隊長黃威則謂：「雖然我係第一次踢亞協盃，但之前試過好多次喺香港隊同北韓交手，賽前都知佢哋好快，不過黎明SC球員比較後生，同北韓國家隊相比稍欠經驗。今場主隊只有約4,000人入場，但佢哋相當齊心，畀到好大壓力我哋，希望我哋喺主場都可以獲得香港球迷支持啦！」