冬季流感高峰期，搞到公立醫院爆廠、醫護人員工作量太大、壓力爆煲。政府後知後覺再撥多啲錢畀醫院管理局，去紓緩醫護人手不足，但醫管局主席梁智仁唔知做乜，呢頭稍為安撫咗醫護人員，嗰頭又撥火，支援職系新入職嘅員工薪酬加幅高，令到支援職系都爆煲，指現有員工加薪幅度太低，唔公平，喺急急撲火下，工會先擱置今日嘅靜坐行動。話時話，梁智仁再只係頭痛醫頭，腳痛醫腳嘅話，肯定又爆亂局。
