政情：大學風波不斷 陳鎮仁頂硬上

陳鎮仁都話驚訝大學內會發生咁多事，但佢始終覺得愉快嘅大學生活對年輕人成長重要，只要年輕人過得開心，畢業後就能夠回饋社會，所以自己咪硬住頭皮試吓做校董會主席囉。佢仲話唔知自己能否成功做到，但都會盡力去做咁話喎。

話年輕人轉工愛挑戰

當日係浸大嘅長期服務獎頒獎禮，唔少教職員服務浸會大學逾三十年，但係反觀現今唔少年輕人轉工頻密，係咪年代唔同所引致嘅分別呢？

陳鎮仁就話年輕人鍾意接受唔同挑戰，就算工作開心都希望轉變吓環境，轉工與否只係個人選擇，而作為一間機構都應該要開誠布公，先營造到良好工作環境。