最近內地旅客逼爆土瓜灣嘅問題十分嚴重，尋日民政事務局副局長陳積志出席立法會會議，解說土瓜灣擴建海心公園計劃詳情，不過議員似乎更加關心土瓜灣人滿為患問題，追問當局點樣解決。陳積志就話，現時旅客已有唔少自我約束嘅行為，例如去尖沙咀等其他區食飯，旅遊巴亦有定點上落客等等，但係有議員即場踢爆話，旅遊巴違泊情況好嚴重。當局相信靠遊客自律就可解決問題，係咪太傻太天真？
