政情：長途機難捱 盧金榮唔敢帶囡囡歐遊

香港人素來鍾意旅行，不過帶小朋友去旅行就可能要另作別論。中華廠商聯合會副會長盧金榮（Wingco）兩個女今年分別十歲同十二歲，佢話帶兩個女外遊通常都係揀啲較近嘅地方，例如日本，因為以前試過帶佢哋去歐洲，一坐長途機就出事。點解咁講？因為小朋友較冇耐性，結果每十五分鐘就問Wingco：「到未啊？到未啊？到未啊？」問到Wingco怕怕，佢話要等佢哋再大啲先至敢帶佢哋坐長途機喇。