佳聯元朗富力R&F各不相讓
今季「中銀人壽香港超級聯賽」爭標形勢極緊湊，每場勝負足以左右大局！今日港超尾場佳聯元朗於主場元朗大球場迎戰爭標分子之一的富力R&F，元朗為脫離降班區及報答球迷支持，定必打出地區球隊的氣勢；富力R&F為現時失分最少球隊，亦望全取3分向錦標邁進！
（on.cc東網周日下午5時30分直播）
主場出擊的佳聯元朗上仗1比4不敵夢想FC，主教練郭嘉諾分析落敗原因：「下半場好快輸多一球，我哋49分鐘失12碼，55分鐘打少個，係一個好大嘅打擊。如果唔係出現呢個情況，相信場波仲有得打，不過過咗去就唔會再睇番，我哋已經準備好今日對富力呢場波！」
郭Sir望贏波重振聲威
「郭Sir」於上仗完場後主動向球迷致歉，他坦言：「我覺得有負球迷期望，希望今場可以『bounce back』（重振聲威），去贏番場波畀球迷睇！」今場對陣富力R&F，「郭Sir」點名要小心提防對手新援廸布利：「廸布利有個人能力、速度快，令富力進攻多咗板斧。我都有剪廸布利嘅片畀球員睇，加上今場我哋有王睿停賽，要更加小心防守。」
楊正光用長傳應付壓迫
由於昨日冠忠南區及和富大埔皆全取3分，富力R&F暫居第3位，但今日只要贏波便可重登榜首，主教練楊正光稱：「對手凝聚力好強，球迷好擁戴佢哋嘅球隊，呢個係佢哋嘅優勢，所以球員心理要調整。戰術方面我哋會因應對手壓迫性踢法，前場會做多啲長傳配合去撕破對手防線。」問到「楊Sir」上仗首戰即入波的廸布利會否正選時，他謂：「佢喺球隊嘅時間始終唔長，當然如果戰況要更進取嘅話，會將兩個外援擺前場。」目前富力未有傷兵，隊長羅拔圖久休後亦可候命，「楊Sir」表示：「其實羅拔圖上場有做後備，等佢心理上做好準備，今場會睇情況先決定畀唔畀佢落場。」