政府對住屋問題束手無策，過往就話係「土地問題」，雖然近日政府接納土地供應專責小組嘅增加土地資源建議，但本土研究社成員陳劍青就唔收貨，尋日喺電台節目批評政府經常將市民住屋問題歸咎於土地不足，但就迴避土地資源分配傾斜問題，直斥當局根本係賴地硬，質疑新界棕地一直延續到二○四七年都得唔到解決嘅一日，啲富豪繼續「賤租公有地」，但貧者就無立錐之地。睇嚟專責搵土地嘅發展局局長黃偉綸想過到骨都唔係咁容易。
