政情：城門河太臭 陳念慈訓練跑到喊
城門河以前真係好臭，嗰陣臭渠味令人行過都要掩住個鼻。香港羽毛球名將陳念慈（Amy）早前出席沙田節活動時話，以前喺城門河附近跑步訓練，中午跑時陣味真係令到人好難受，佢試過忍唔住喊，返去同教練講想放棄添！後尾諗清諗楚，梗係繼續做運動員喇。
當年差啲放棄做運動員
Amy笑笑口話，佢嗰個年代，好少人做運動員，因為啲人覺得搵唔到食，二、三十歲就冇前途。自己都試過唔敢同人講係運動員，但後尾自己勇敢面對，希望慢慢改變大家嘅睇法。依家回頭望，發現每次堅持少少，累積落去，結果都係好好，希望年輕人明白，堅持係好重要咁話。