政情：黃錦星有新「情人」不提大嘥鬼？

黃錦星尋日發表最新一篇標題為「生態多情人！B仔何許人？」嘅網誌，向大家介紹「B仔」。唔通「B仔」已成為佢新情人？原來「B仔」係香港生物多樣性節、即Biodiversity Festival，幫手推廣生物多樣性，同大嘥鬼負責嘅範疇並唔相同。

推工程結合生物多樣性

黃又喺網誌提到，要推動工程部門變成「生態情人」，即係喺工程項目主動結合生物多樣性嘅考量，就好似渠務署近年改善河道工程就漸見成果，林村河上游已經生機處處。另外，佢又提醒大家行山時要帶走垃圾，而佢就做到「自己水壺自己帶」，話要做郊野「真情人」咁話。