政情：鄭松泰循環再用橫額話好過畀藍絲鎅爛

拎去狗場做防風裝置

鄭就話流浮山有個狗場收養咗一百五十隻流浪狗，自兩年前立法會選舉後，佢就將選舉期間嘅宣傳橫額同其他已經過時嘅橫額拎去狗場循環再用。唔止佢嘅橫額會拎去狗場，同佢同屬熱血公民嘅成員亦都有將橫額送去狗場，都算幾環保。

講開橫額，鄭又話佢掛喺屯門良景邨嘅橫額經常都畀人鎅到爛晒，今年七月就親眼目睹橫額被「藍絲」、即建制派支持者鎅爛，於是即刻報警，尋日佢收到警方來信通知，話涉案人士已被定罪同罰款，但能否起到阻嚇性，咁就唔知喇。