由黃遠輝擔任主席嘅土地供應專責小組正就本港增闢土地問題展開公眾諮詢，當初黃率先提出公私營合作發展農地建屋，已被各界批評專責小組有既定立場，後來高官接力先後支持填海造地，亦被指干預專責小組工作，更被批假諮詢。面對各界批評，官員就話之你，財政司司長陳茂波尋日繼續宣傳大規模填海，仲話自己做發展局局長時，已物色多個填海選址，下半年仲會向立法會申請撥款研究填海項目添！如果做到咁，諮詢嚟做咩呢？
