政情：黎穎瑜陪夫睇波 難忘法國世盃

Jade坦言自己唔係好識睇波，主要都係為咗陪老公，但係睇親都會好投入，而且一定睇足全場。當被問到最鍾意邊一位球星，佢就話係葡萄牙球星C朗喇。

老公愛同囝囝玩陀螺

Jade嘅老公鍾意睇波，咁佢囝囝又鍾唔鍾意呢？佢就話，囝囝得六歲，暫時未識睇，而老公都冇刻意捉埋囝囝一齊睇。不過佢就話，老公好鍾意同囝囝一齊玩爆旋陀螺，事關老公對零件都有研究，鍾意同個仔一齊左砌右砌，睇吓點砌一個勁嘅陀螺，所以就算囝囝唔睇波，都唔使擔心兩父子冇親子活動喎。