政情：今日你上鏡：姚思榮寧見業界 唔去立會

立法會會議不時都由朝開到晚，前幾日一個立法會開會嘅日子，旅遊界立法會議員姚思榮出現喺中環一間西餐廳歎下午茶，冇喺立法會開會，莫非佢偷懶？非也！同枱嘅有三男一女，佢哋分別係旅遊業議會、旅行社及航空公司代表，姚思榮只係應業界要求同佢哋會面，了解業界情況同訴求啫。其中一位女士仲大讚姚思榮係「電召就到」，冇托手㬹咁話。姚思榮就話，佢通常會遷就業界，揀方便對方嘅地點會面，當日就約咗喺中環，所以惟有離開立法會，仲話自己同業界見面盡量唔會失約喎。咁識賣口乖，唔知旅遊業界又滿唔滿意呢？