政情：方國珊「待字閨中」 盼入新政黨

批建制政黨盲目保皇

原來哪吒呢個「待字閨中」，係指希望加入新政黨，覺得依家嘅建制政黨都係盲目保皇，唔會加入，如果有新政黨有好嘅民生理念同政治魅力，佢會考慮加入，因為獨立議員嘅資源好困難，自己今次補選落敗係「輸黨無輸人」喎。睇嚟依家入黨係哪吒嘅「對的時間」，希望佢都遇上「對的人」，嫁杏有期啦！

目前立法會仍有兩個議席出缺，包括新界東，相信都要有第二輪補選填補空缺，哪吒就透露正考慮再參選，即係第六次參選立法會選舉。佢又認為應該容許遭取消議員資格嘅社民連梁國雄重新入閘參選，但佢覺得搞補選勞民傷財，應設立替補機制，有議席出缺時，就由得票排喺後一位嘅人補上，而當選議員連任應設上限，最多只可以做兩屆。