區諾軒以香港眾志執委周庭嘅Plan B喺立法會港島區補選中勝出，但議席係咪保得住仲係未知之數，事關佢喺競選期間被揭曾焚燒《基本法》影印本，已有市民入稟要求DQ佢嘅議席，而建制派亦曾考慮喺宣誓時搞流會，令佢冇得宣誓，但諗到可能拖累排喺後面宣誓嘅自己友鄭泳舜同謝偉銓而放棄。睇怕鄭泳舜同謝偉銓亦好緊張，求神拜佛都希望區諾軒唔好喺宣誓玩嘢，否則連佢哋都宣唔到誓就大鑊嘞！
