政情：劉江華叫議員高抬貴手 「放行」文康撥款
每年新春酒會，都係官員同議員呻幾句或表達意見向外界還擊嘅好時機，繼前日新界鄉議局主席劉業強喺新春團拜上發炮捍衞新界傳統權益後，民政事務局局長劉江華尋日亦喺該局新春酒會致詞時，炮轟民主派立法會議員拉布，令立法會工作進度令人擔憂，希望議員新一年能夠高抬貴手，通過民生項目。
18區推多項設施
劉江華話，政府在十八區推展多項康體設施，當中包括北區文化中心、元朗游泳池、九龍城啟德車站廣場、黃大仙摩士公園暖水泳池、大埔休憩用地等，呢啲設施都係市民期待已久嘅事項，又形容係最貼地、最民生嘅事項，因此希望立法會能盡快通過。
另外，佢又提及過去一年本港在體育界和文化界方面有多項成就，並讚揚多位在國際上獲獎嘅人士；又話由政務司司長張建宗主持嘅跨部門青年發展委員會，將會喺上半年成立，而政府推行嘅青年委員自薦試行計劃，反應亦非常熱烈，所以未來亦準備推出更多位置，讓青年人發聲。