政情：吸煙無助提神 鄭敬凱撐巴士司機戒煙
本月初發生嘅大埔九巴車禍慘劇轟動全城，令唔少人都關注巴士司機嘅質素、健康等問題。冠忠巴士集團董事鄭敬凱話，呢個年代聘請司機有一定困難，一來司機嘅工作苦悶，二來好多人情願做兼職，雖然兼職福利少啲，但相對自由，所以公司會較難跟進佢哋嘅培訓、編更等情況。
抽走腦氧分 更攰兼眼瞓
講到巴士司機開工時嘅精神狀態問題，鄭敬凱話好多司機會選擇吸煙提神，但是有醫學研究報告指吸煙會抽走腦入面嘅氧分，結果令到司機更攰更眼瞓，所以佢哋公司都唔鼓勵司機吸煙，仲會主動協助有需要嘅司機戒煙，咁就既安全又健康喇。