政情：公民講場：曾蔭權劉夢熊招搖現身好丟架

港區全國人大代表下月中旬進行換屆選舉，尋日召開人大選舉會議選出主席團，而早前被法庭裁定公職人員行為失當而判監二十個月、目前保釋等候上訴嘅前特首曾蔭權爵士現身，但卻冇喺主席團名單上，成為唯一一位冇入選嘅前特首，真係瘀爆。就連舊年因妨礙司法公正罪成判囚十八個月嘅前全國政協委員劉夢熊亦有到場攞提名，話考慮參選人大喎。老實講，佢哋兩個個底咁花，竟然仲咁招搖現身，簡直係攞架嚟丟。