笑看天下：一走了之未解決

林淳軒近月知名度攀升，因黃衞兵及羅冠聰身陷囹圄，林多次代表眾志對外發言，九月底仲頂替正在服刑嘅黃衞兵去英國唱衰中港，期間仲同末代港督彭定康會面；如今突然因違反黨內財政處理程序而退黨，有網民質疑事件是否涉及有人「穿櫃桶底」，搞到要被立即掃地出門？由於眾志部分財政來源涉及公眾捐款，依家林淳軒一走了之，又冇交代違紀嘅具體細節，難怪大批網民表示事情未解決，眾志內部財政畀人嘅感覺就係「亂」，就係「混帳」！

學民思潮去年宣布停止運作後，向市民籌得的經費去向一直唔清唔楚，難怪畀網民揶揄：成班人不務正業，你呃我、我呃你！又有老襯捐錢畀佢哋使喎？咁嘅「眾志」，試問仲有乜誠信可言？若明年佢哋出戰立法會補選都掂，咁選民唔知係「大肚能容天下混帳之事」定係太傻太天真？

香港反對派說到底就是為了錢，直頭當市民係「水魚」，元旦，籌款；六四，籌款；七一，籌款；打官司，籌款；ＤＱ了，籌款……大家若然不善忘，當記得香港眾志成員羅冠聰被逐出議會後，黃衞兵立刻在臉書呻窮，指「十多位議員助理面臨失業，香港眾志將失去每月廿萬的辦事處營運開支，財政陷入水深火熱狀態」云云。家陣少咗個因「違反黨內財政處理程序」而被掃地出門嘅核心成員，財政又是否會好起來？點講都好，香港眾志嘅運作既然涉及公眾捐款，理應交代清楚林淳軒的錢銀瓜葛，一走了之只會令公眾一臉疑惑！