市區重建局庫房「水浸」，尋日提交立法會嘅文件話截至今年三月三十一日嘅財政年度，盈餘有三十一億四千萬元。話時話，市建局喺一三/一四年度出現二十三億元赤字，但翌年度轉虧為盈，突然有十一億元盈餘，當時更觸發市建局定位轉為「向錢走」嘅爭議，而主席蘇慶和更被質疑「以銀為本」，依家盈餘大幅增加，難免令人覺得市建局係賺到盡，睇怕蘇慶和都要出嚟解釋清楚嘞！
