政情：林健鋒嘲肥老闆仆倒令立會地震

林健鋒話，早前喺立法會同肥老闆進行雪糕挑戰期間，肥老闆被梯級絆倒而仆親，嚇到現場人士都呆晒。其後有兩名女士嘗試扶起佢，但就連肥老闆嘅手都拉唔起。肥老闆都驚會傷到其他人，所以坐咗一陣就自己起番身。林健鋒仲踢爆，肥老闆一跌連褲都整爛埋，好彩只有大腿擦損啫。

遭反諷夠年齡拎長者卡未

被林健鋒爆大鑊，肥老闆都不甘示弱。尋日佢就祝林健鋒愈嚟愈後生，轉過頭就問佢夠年齡拎長者卡未。林健鋒就話自己三個月後就要換卡，不過講嘅係張第一代八達通喎。腦筋都轉得幾快喎！