走出傷患 投遊協積極復操 鄭錦興再起飛！
「手術後再接觸籃球，覺得有啲陌生，好似要重新熟習一樣我本來好熟悉嘅嘢，但可以再喺場上打波，我真係好開心，因為我始終好鍾意籃球！」由熟悉到陌生，不單可以形容人與人之間的關係，對「港版流川」鄭錦興來說，也是他目前對籃球切身的感受。經歷兩次右手手肘手術，由心灰、徬徨，到現在積極復操，新季鄭錦興將加盟遊協重新出發，於甲一戰場「再飛過」！
在場上瀟灑，場外亦十分陽光，其實鄭錦興未接觸籃球前，曾經可以用「孤僻」來形容：「細個唔鍾意同人講嘢，去到街場唔會有人同我一隊，直到大個喺籃球場識到一班朋友，性格先開始慢慢改變。」對很多人來說，籃球可能是一種消遣，但對「阿興」來說，這個運動改變了他的一生。
回復體能狀態最困難
多年來在球場上「左飛右撲」，令他受過大大小小不同的傷患，但上季季初的手術，可能是他運動員生涯最黑暗的時候。右手手肘同樣部位經歷兩次手術，令他全年球季報銷，看到隊友在場上比賽，自己做座上客當然不好受，但他更擔心自己的傷患能否完全復原︰「籃球對我嚟講就係生活，當時有諗過，自己32歲，已經停練成年，如果真係要再抖一年，我基本上已經可以退休唔使打，當時個人好似冇乜目標。」
第二次手術後停練半年，鄭錦興發現，要回復健康不難，最困難原來是如何找回以前的狀態：「要搵番體能同狀態比我想像中辛苦好多，一開頭簡單做少少體能訓練已經喘晒氣，付出比以前兩、三倍努力都冇效果，有時會好灰心。」
得到朋友與球迷支持，鄭錦興最近走出受傷陰霾，更積極為開季做好準備。新一季將會加盟遊協，「阿興」亦為自己訂下目標：「我覺得係是一個新挑戰，喺遊協有好多陌生同年輕球員，我喺陣中將會擔任大哥哥角色，希望可以好似以前打福建時，帶佢哋一齊衝擊4強。」雖然跌倒了，但他用自己的能力爬起來，就讓我們一起來期待「流川興」新一季可以在球場重新起飛，找回最好的自己。
圖/文：王藝霖
鄭錦興歷年效力球隊一覽
年份 球隊
2003-2005 飛鷹
2006-2015 福建
2015-2017 東方龍獅
2017-至今 遊協