26中學生體驗坐牢 反思生命

登上囚車、拍照收押、分派氈蓆，廿六名中學生早前到馬坑監獄參與「思囚之路」，由平日大叫大笑的青年，變得鴉雀無聲，只有懲教人員的呼喝聲：「屋企有大門，呢度只有閘門！」囚倉內四角設有閉路電視，學生躺在冰冷的玻璃纖維床上，連睡姿都受監控，體會到由宣判一刻開始，自由盡失。

囚犯寄語面對誘惑要三思

參與活動的中四生吳茜，模擬判監八年，當時腦海中只想起媽媽，「原來身處失去自由嘅地方，最掛住就是屋企人！」學生們之後體驗摺被、步操及剪草等紀律訓練，並與十八歲在囚青年阿良（化名）交流，反思犯事所付出的沉重代價。

「打電話畀朋友都唔理我，嗰吓先識驚！」一年前因販毒入獄的阿良，小學開始流連屋邨遊樂場而學壞，最終為玩樂而被利用販毒。出事後，朋友「失蹤」，只有家人對他不離不棄，每月盡用配額探監四次。家人的關愛令阿良浪子回頭，決定學一技之長，獲釋後可自力更生。他考獲兩張廚藝相關證書，更親手為父母炮製印尼炒飯，「佢哋一路喊，我惟有餵佢哋食！」他形容入獄是報應，寄語青年人「面對引誘，要三思而後行！」

中四生吳澤賢說，阿良的經驗如一面鏡，「勸勉我哋唔好重複佢沉痛嘅經歷！」「思囚之路」三小時體驗計劃，迄今共三千二百多名中學生參與，此計劃及懲教署同獲「公務員優質服務獎勵計劃」嘉許。