政情：今日你上鏡：紡織廠回流香港 鍾國斌：講都冇人信
政府話要搞再工業化，但似乎冇乜動靜，最近有人就帶嚟驚喜，仲話講出嚟都未必有人信添！乜嘢Surprise？咪就係紡織廠回流香港囉，仲喺觀塘開咗工貿大廈地舖添！
立法會紡織及製衣界議員鍾國斌（Felix）日前參觀咗呢間廠，驚嘆呢間廠原來真係可以生產，由紡紗、織布到染色一間廠做晒，全部用最新科技生產。佢仲話呢間公司係由一間奧地利公司投資嘅，喺香港肯投資即係對個行業同香港有信心，咁呢種就真係再工業化嘞！既然外國公司對香港嘅工業咁有信心，唔該政府唔好再歎慢板喇，咁搞法乜嘢機遇都錯過晒喇！
（互聯網）