政情：今日你上鏡：梁敬國引詩暗示離熱廚房？

曾經喺立法會冇人認得、因而搞到好瘀嘅商務及經濟發展局副局長梁敬國，尋日凌晨上載咗一張今屆十二名副局長嘅齊人合照，又上載多一張由發展局副局長「坐正」做局長嘅馬紹祥與多名副局長自拍照，又留言話「有緣相會」、「不帶走一片雲彩」，臨別味甚濃。其實依家邊位副局長會留低或離開都仲未有定案，講到「不帶走一片雲彩」，究竟梁敬國暗示自己另有出路吖？抑或其他同事另謀高就呢？