政情：邱副一句恭喜劉怡翔勁尷尬

劉好大機會坐正做局長

當時劉怡翔一手拿着手機，一手拿着文件，所以未有同邱副握手。邱副見狀就識趣話「我恭喜你呀，咁快走得」，意思係話同劉有關嘅撥款項目獲通過，可以提早離開。早前曾流傳滙豐銀行香港區前總裁馮婉眉會出任財庫局局長一職，但據聞出現甩轆情況，所以劉怡翔好大機會「冷手執個熱煎堆」坐正局長。

至於邱副自○八年首屆設有副局長一職起，就擔任運房局副局長至今。盛傳現屆政府有多個副局長將會「升呢」於下屆坐正局長，而運房局局長一職現時仍未有人選，但一直都未見邱副個名，莫非有人覺得佢「未夠班」？