年紀大嘅男人，睇女唔會將焦點放喺樣貌，而係注意身材方面，除咗欣賞誘人嘅胸前曲線外，渾圓嘅美股同樣令人興奮。如果大家認同呢種講法嘅話，嚟自南韓嘅人氣模特兒申世河，憑住佢出眾身材，相信能帶畀大家無比嘅視覺享受。
出生於南韓首爾嘅申世河，喺龍友界早已相當有人氣，事關佢不但樣貌甜美，仲有魔鬼級嘅火辣身材，輕易成為鏡頭嘅焦點，以佢如此出眾嘅外形，無論以任何造型登場，龍友都可以拍出優質嘅作品，配合埋佢優雅嘅氣質，難怪被視為模特兒界嘅明日之星。事實上，早喺佢求學時期，已經開始從事模特兒工作，不過當時佢並未諗過以模特兒作為自己嘅事業，只係希望從中獲得工作經驗及賺取學費。可能有人覺得世河只係玩票性質，而質疑佢嘅工作態度，不過事實證明，唔少攝影師都大讚阿妹工作認真又投入。
隨住佢嘅工作經驗愈嚟愈豐富，睇法亦開始有啲改變，覺得模特兒呢份工作亦可視之為終身職業，而最重要係每次演出都令佢提升自信，因此畢業之後，亦即係2013年佢就正式投身模特兒行列，除咗為多本雜誌拍攝寫真，更化身成Show Girl喺各種商品展銷活動中登場，同年佢踩入賽車女郎界，性感嘅賽車女郎造型，加上活潑可人嘅個性，成為賽場上嘅亮眼焦點，而呢次演出之後，佢成為各個賽車比賽中嘅常客，但凡有賽事進行，總係會見到佢嘅身影。
雖然佢出道冇耐，就喺平面模特兒及賽車女郎界獲得亮眼嘅成績，只係講到佢近年最佳發展，卻要數車模界。正當佢埋首於上述兩個界別中發展時，被事務所安排喺首爾車展登場，雖然佢嘅造型並非好性感，由於佢嘅外形實在太吸引，故此成為全場最養眼嘅焦點，更被評為最迷人嘅車模，更獲得車展女神嘅美譽。不過就連佢自己都估唔到，佢喺車展上迷人嘅照片，竟然衝出亞洲，並且喺外國獲得極高人氣。2015年佢首次喺美國拉斯維加斯舉辦嘅車展上登場，呢個成績絕對出色！縱然唔少人都視佢係人氣女神，只係佢卻一直並未覺得自己外形好吸引，就連性格亦無乜特別之處。據佢講，每次喺鏡頭前都不過係做番自己，只會多啲留意自己嘅笑容同埋身體動作，因此幾年喺模特兒界打滾生涯中，反而覺得自己嘅內涵唔係咁足夠。為咗充實自己，除咗走去學賽車外，更修讀美容、攝影同埋機械課程。你話學賽車都同賽車女郎呢份工作有啲關係，而作為一位模特兒，亦好應該有一定嘅美容同攝影知識，只係機械課程好似同模特兒冇乜關係喎。佢解釋話自己一直以嚟對機械有相當嘅興趣，每當見到機械點樣可以運作時，縱使佢家陣對機械運作有相當嘅認識，仍然覺得好神奇。
簡介：申世河每次出場總會吸引男士嘅目光，理由好簡單，除咗佢迷人嘅樣貌同火辣嘅身材外，仲有佢活潑得嚟又優雅嘅氣質，難怪大家都會視佢做女神。如果想再了解阿妹多啲，就要Click入佢嘅IG喇！
網址：https://www.instagram.com/shinseha/
出生地：首爾
身 高：173cm
三 圍：35、24、35
撰文：魂