中環出更：螺絲粉翡翠變粟米 藍王雲仙得啖笑

Mina對設計同手工繁複嘅珠寶款式特別欣賞，事關佢有好多精心設計嘅珠寶款式，最終都做唔到出嚟，因為師傅話做唔到，反而大嘅珠寶品牌梗有好師傅。

鄧鉅明無懼淡市開新舖

Leta就話幾年前推出第一個以翡翠為主題嘅自家品牌系列時，試過被師傅整爛塊翡翠添！後來朋友介紹一位深圳師傅先至搞得掂。早前佢搵開嘅打金師傅移民加拿大，令佢好頭痛，好彩依家已搵到新師傅，仲夾得幾好添！

講番概念店開幕禮，太子珠寶主席鄧鉅明（Jimmy）同太太鄧宣宏雁都忙住招呼賓客。雖然零售市道淡靜，但Jimmy仍大膽開舖，今年計劃開四間新店。佢解畫話淡市開舖有好處，可慢慢揀靚舖位，再加上租金合理，不失為發展良機。

藍王雲仙（前）開心試戴靚戒，藍國慶（後）不時畀意見。（余素月攝）

鄧鉅明（右）同鄧宣宏雁（左）趁市淡搵靚舖開店，商場租務高層李麗儀（中）都現身支持。（徐家浩攝）

Mina嘅老公、博愛醫院永遠顧問藍國慶都有到場，佢戴住條金頸鏈，唔通好鍾意金器？藍國慶笑稱因為聽講八字中若火太旺就要戴金器，但佢戴咗之後個個都話太霸氣，惟有唔好戴太粗嘅囉！

卓妮