師傅成日教我做人力臻完美係好事，但係就唔好對完美過分執着，事關世上冇十全十美！好似日本寫真女郎咁最多都係接近完美，好難話有一百分。不過，最近就有一位被喻為身材達到滿分嘅寫真妹出現，就係野野宮美香，但係同時阿妹嘅顏值卻被認為零分！
以前讀書嘅時候成日都會同班男同學圍埋一齊對女仔作一番評頭品足，A同學大讚某女仔清秀有書卷味，B同學又讚另一個女仔身材高挑，一雙長腿相當誘人，而我一向都鍾意睇巨乳，故經常表示對某幾個女仔嘅胸襟相當有興趣，不過其他同學都係外貌協會成員，聽到我咁講都話女仔生得唔靚女，身材幾好都難以接受，唔知大家又係咪咁諗呢？如果大家冇我班同學咁膚淺的話，今日介紹嘅寫真妹野野宮美香就啱晒大家口味喇！
野野宮美香身材認真頂呱呱，胴體肉地結實彈手，肌膚唔使好白，但係就緊緻而光滑，唔使用手摸都知質感一定令人愛不釋手！而美香胸前嘅純天然F奶同樣彈力十足兼具高度可塑性，每次表演倒奶同夾胸，所展露出嘅胸肉都令男人血脈擴張，配埋本身勻稱又帶健美感嘅身材，胴體之美認真係一百分！之不過，美香個樣就被人話唔靚，更加可以列入豬扒之列添！小弟一向口味寬闊，我就認為阿妹個樣尚可接受囉！
野野宮美香喺2014年展開其寫真之路，當時以田所美香作為藝名。美香之所以決定做寫真妹，敢於公眾面前換上性感水着搔首弄姿，其實都係受到朋輩影響，因為現時人氣高企嘅清水愛里以及村上友梨兩位寫真偶像，都係美香讀高中時嘅同學仔，見到佢哋兩個拍寫真拍到咁受歡迎，自問身材絕對唔畀佢哋差嘅美香，當然亦唔執輸啦！然而，身材唔輸蝕，但係個樣就輸晒畀佢哋兩個呢！
美香初下海嘅時候就係因為唔靚女而未能成功突圍，苦苦掙扎咗兩年之後，改用現有藝名以及執一執個樣，名氣先至谷得起！即使美香比之前靚女咗，但係亦被業界稱為「身材滿分，顏值零分」，然而一向係樂天派嘅美香就唔介意，仲話將兩個分數相加再除二，正正就係五十分，亦即係合格喎！美香除咗喺寫真界漸漸搵到位置發展，亦成為新一代網絡紅人，近期美香為一款叫做《Hide AND Fire》嘅手機射擊遊戲擔任宣傳女郎，而佢本身亦相當鍾意玩呢款遊戲，所以成日喺社交網撩網友同佢一齊打機，睇嚟未來好有可能會做埋電競選手喎！
簡介：野野宮美香近期忙於拍寫真之外，亦為一款手機遊戲做宣傳，仲會透過Twitter向網友約戰，大家想同美香一齊打機，不妨Click上去睇睇阿妹幾時得閒喇。
網址：https://twitter.com/nonomiyamika
年齡：24歲
身高：5呎2吋
三圍：35F-24-35
撰文：賢