政情:公民講場:大橋土地外移 張炳良涉密冚

港珠澳大橋香港段又爆醜聞!機場島東南面嘅大橋香港接線填海工程,遭揭發曾發生填海土地向外橫移至少五至十米,承建商要喺海堤外修築面積達九公頃嘅「臨時堤腳荷載平台」,阻止填海地繼續向海面伸延。運輸及房屋局同路政署早喺兩年多前已得悉事件,竟一直秘而不宣,有隱瞞公眾之嫌,有立法會議員質疑當局失職,提緊急質詢追殺局長張炳良。張炳良咪以為剩番幾個月任期,就算有錯都會被放生先得o架!

第一手消息請下載on.cc東網iPhone/iPad/Android/Windows Phone Apps