政情：想追個女湊「好」字 郭偉強驚「打孖嚟」

郭偉強坦言有追多個囡囡嘅打算，覺得兩個小朋友相隔兩至三年最好。但係佢嘅大舅、元朗區議員姚國威有一對孖女，擔心家族有生孖胎嘅基因。除咗基因之外，郭偉強仲爆料話，工聯會都流行生孖胎，會中有四名年紀同佢差唔多嘅成員都係生孖胎，唔怪得佢有咁多顧慮喇！

對囝囝嘅玩具及食物好小心

講起湊小朋友，郭偉強都好認真，自言會對囝囝嘅玩具及食物特別小心，仲笑笑口形容自己會「驗屍咁驗」，好似連買舊豆腐都要比較標籤。佢仲話現時會少食日本嘢，因為擔心輻射問題，連去日本旅行都可免則免喎！