中環出更：示威者步操 轟漢奸黎千古罪人

尋日朝早約十一時，廿一名聲稱自發前來嘅市民喺漢奸黎寓所附近嘅行人路集合，跟住就向漢奸黎嘅寓所方向「步操」。佢哋高舉五星旗，手持印有「黑金禍港、操縱選舉、漢奸走狗、滾出香港」等字句嘅橫額及標語示威，又大叫口號以示不滿。示威者逗留咗約四十五分鐘離開，期間有警員到場了解。

踐踏漢奸黎紙牌洩憤

直至下午二時，同一批示威者連同另外幾人再到漢奸黎寓所附近展示橫額及高叫口號，期間佢哋一齊做出拇指向下嘅手勢，仲踐踏印有漢奸黎照片嘅紙牌洩憤。佢哋同樣逗留咗四十五分鐘就離開。不過其中兩名示威者繼續喺現場靜坐，稍後先至自行離開。

自去年六月十日起計，到漢奸黎寓所及將軍澳壹傳媒大樓外示威嘅行動最少達一百三十次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百一十七次。

卓妮