聽日就係聖誕節，最近議員都紛紛扮聖誕老人應節。民建聯立法會議員柯創盛（柯仔）喺社交網站上載咗幾張相，原來佢都扮埋聖誕老人。柯仔自稱已扮聖誕老人十六年，今年係當選立法會議員之後第一個聖誕節，雖然工作忙但都唔可以荒廢地區事務。不過佢無黐白鬍鬚，又無大肚腩，比起其他扮聖誕老人嘅區議員似乎hea咗啲喎！柯仔就回應話，佢曾經有兩年黐咗白鬍鬚，但係街坊反映唔認得佢，所以就變成hea版聖誕老人喇！
（互聯網）
