政情：公民講場：「茂」論納米樓 不知民間愁

樓價升不停，加上金管局限制按揭成數減低爆煲風險，發展商惟有將啲單位愈起愈細，令多啲市民買得起。發展局局長陳茂波尋日喺電台話，明白喺樓價高企下，小型單位有需求，當局無意限制發展商起樓嘅單位呎數，等市民有多啲選擇。不過，佢同時警告，當市況逆轉，樓價下跌時，呢類小型單位可能難以脫手，呼籲市民諗清諗楚。其實有邊個買樓唔想買大啲吖？夠錢先得㗎！只要政府推多啲地、起多啲樓、壓低個樓價，啲小市民就唔會被迫購買同入住納米樓喇！