中環出更：29示威者轟漢奸黎黑金禍港
壹傳媒黎智英（漢奸黎）被揭發多次秘密捐款畀泛民政黨同立法會議員，相關捐款一直被質疑同外國勢力有關，而佢同美國關係更加係千絲萬縷。尋日有近三十名聲稱自發嘅人士去到漢奸黎嘅寓所外面，手持五星旗同印有「黑金禍港罪惡難逃」、「捍衞國家領土完整」等字句嘅大型橫額抗議，期間仲播《義勇軍進行曲》添！
「禍國殃民天理不容」
尋日朝早約十一時，二十九名聲稱自發嘅人士抵達漢奸黎位於何文田嘅寓所門外。佢哋手持印有「反港毒反分裂反辱華，捍衞國家領土完整」、「禍國殃民天理不容，黑金禍港罪惡難逃」等字句嘅標語及橫額，大叫口號抗議，之後又播放《義勇軍進行曲》同其他愛國歌曲。佢哋逗留到約中午十二時就和平散去，期間曾有警員到場了解。
針對漢奸黎嘅抗議示威行動不絕，自六月十日起計已踏入一百六十四日。連同尋日在內，到漢奸黎寓所及將軍澳壹傳媒大樓外示威嘅行動最少達九十一次，當中自稱霸王國際集團員工及苦主佔十次、正義聯盟佔三次，旅遊業界及其他人士則有七十八次。
卓妮