政情：公民講場：青年口出狂言 教育改革惹疑

青年新政兩名立法會議員梁頌恆同游蕙禎，上周三喺立法會宣誓時除咗爆粗外，竟然將中國「China」讀成「支那」，惹來各界批評。教育評議會副主席何漢權除咗批評兩人「無知無情」，語言極度暴力，並認為事件反映香港教育制度改革和中史課改革，需要負上一定責任。不過，教育局副局長楊潤雄就反駁話，相信香港大部分中學生都未必贊同兩位議員嘅言行，認為唔應該就一啲不為社會接受嘅言行，得出中史教育導致兩名議員作出有關言行嘅結論。不過，楊潤雄都唔應該咁快下結論啫！