政情:公民講場:青年從政湧現 葉劉暗寸為錢

最近有多個傘後及本土派宣布組黨同參選立法會,身兼行政會議成員嘅新民黨立法會議員葉劉淑儀尋日出席一個午餐會時,就質疑部分年輕人選擇從政,可能係貪議員人工高,因為區議員月薪現已增至接近三萬元,係唔少剛畢業大學生人工嘅兩至三倍。如果以立法會議員超過九萬元嘅月薪計算,人工就更加吸引。葉太又點名提到本土民主前線成員梁天琦,話佢參加完旺角暴亂都喺年初嘅新東補選中取得可觀票數,自然吸引到更多年輕人參選。

第一手消息請下載on.cc東網iPhone/iPad/Android/Windows Phone Apps