綠色先鋒：車隊分工 各展所長

「原來咁多人支持我哋」

商學院二年級學生Mary充當團隊公關，成功爭取到約十間機構贊助，「有啲出錢，有啲出零件，開頭都唔知原來咁多人支持我哋！」她解釋隊名有源源不絕之意，有感香港空氣污染嚴重，若車輛能夠做到零排放就會大大改善環境，能夠參與今次團隊意義重大，她亦在推廣上取得寶貴經驗，獲益良多。

至於車身設計就由創意媒體學院三年級學生Pluto「發板」，他本為賽車界設計師，指今次太陽能車的車身設計靈感來自七十年代賽車風格，能夠將賽車元素融入太陽能車，在一眾參賽車輛中脫穎而出，令他相當滿足。