巨乳嘅魅力固然令男士動容，輕易地成為大家嘅焦點。不過想成為一位襟睇又長做長有嘅模特兒，只得呢一點係唔足夠嘅，要好似莫雨咁除咗一對D Cup巨乳，再配合性感造型同迷人美貌，先令人百看不厭，巴打冧到暈！
嚟自中國河北，英文名叫Baby嘅23歲莫雨，出道僅短短一年，憑住性感魔力成功喺寫真模特兒界佔一席位。可能喺唔少人眼中，寫真模特兒只需要衣着露肉度高，便稱為性感，如果咁諗就大錯特錯。所謂性感一定要掌握箇中嘅尺度，一味露肉嘅話，最終只會淪為暴露而非性感。對莫雨嚟講，拿捏性感同暴露之間嘅界線恰到好處，性感得嚟卻唔會令人有低俗嘅感覺，加上佢迷人五官及玲瓏浮凸嘅火辣身材，已足夠條件行性感路線，故此當大家睇到佢露出深深嘅乳溝或大露背時，都會被佢嘅美態深深吸引，卻唔會令人有俗氣嘅感覺，同時佢以唔同嘅造型盡情散發性感魔力。
事實上，自佢出道以嚟，不但推出多輯性感寫真，並且先後以護理員、水手服少女、內衣美人、泳裝美女等造型登場，加上令人心跳加速嘅甫士，成功打響名堂。除咗喺寫真界努力外，佢又以內衣模特兒身份參與內衣展活動，並且以車模身份喺各種車展中亮相，實行將無比誘人嘅魅力，透過多個唔同嘅平台展現喺大家眼前。
雖然喺寫真中經常以百變造型示人，當中唔少甫士更係令人想入非非，因而令人誤會佢係豪放女，實情佢係一個享受憇靜生活嘅人。據曾經同莫雨合作過嘅攝影師表示，佢擁有迷人外形嘅同時，性格溫柔又文靜，與其稱佢係性感小野貓，話佢係鄰家女孩更貼切，難怪佢喺寫真集中散露出一股誘人之中帶點溫婉嘅氣質。
至於呢種性格係點樣煉成呢？可能係同佢讀書嘅經歷有關。畢業於河北農業大學林學院嘅佢，讀書嘅時候經常接觸樹木及大自然，慢慢令佢培養出享受寧靜嘅個性，而佢最愛嘅活動，就係喺樹林中沉思，恍如仙子嘅生活，真係仙女下凡呀！不過，佢坦言有唔少社交活動，最鍾意嘅就係打桌球，不論美式定英式都相當拿手，更曾經喺微博上約戰粉絲，當然唔係想騷一下自己嘅球技，而係希望透過呢個活動，等大家深入認識佢。對於未來嘅發展，佢表示作為一位新進模特兒，現時仍然處於播種期，一來為自己未來嘅發展鋪路，二來希望喺呢段時間鍛煉自己，以應付未來嘅挑戰。
簡介：莫雨好鍾意同大家分享生活嘅點滴，更經常放送福利寫真。如果想得到呢啲福利，事不宜遲，即刻去佢個人微博睇吓喇！
網址：www.weibo.com/u/5789032888?is_all=1
出生地：河北
身高：165cm
三圍：35、24、35
撰文：魂