政情：公民講場：抗議開戶被拒 黃之鋒見識少

前學民思潮召集人黃之鋒日前大鑼大鼓張揚申請開設銀行戶口被拒絕，話人哋針對性打壓佢。財經事務及庫務局局長陳家強尋日出席立法會財務委員會特別會議時話，銀行有需要喺開戶口前盡職審查，政治人物開戶口受到嚴格審查係全世界都有嘅現象，認為有關做法符合國際規定。其實除咗陳家強，分別有銀行界同法律界人士都話，銀行為客戶開戶口前必須做風險評估，以防止洗黑錢活動，所以今次事件並唔係首例，難怪有網民嘲諷黃之鋒見識少喇！