佔中發起人港大法律學院副教授戴耀廷近日去信港大校務委員會，表明唔會就佔中捐款醜聞校方對佢作出嘅處分上訴，但同時又死撐自己處理佔中捐款時冇違規，原因之一係佢只係以校友身份向母校轉介捐款，校方唔應該以教職員嘅身份嚟處罰佢喎。戴耀廷依家仲喺港大教緊書，逗緊港大同納稅人嘅人工，校方自然以教職員身份嚟看待佢。其實戴耀廷如果真係好似佢自己咁講，咁愛港大，咁唔想港大進一步受到傷害，不如立即自行辭職，咁咪可以名正言順做番個普通校友囉！
