政情：八網難逃：「辰」「麒」合照 抽水停不了！

政商界對於中港足球大戰嘅「抽水」停不了，繼財政司司長曾俊華「抽水」大讚「英雄輝」香港足球隊門將葉鴻輝，避談衍生涉及中港矛盾等議題後，新民黨立法會議員田北辰接力「抽水」。田北辰於facebook上載多張同港足球員，包括葉鴻輝同港隊前鋒陳肇麒嘅合照，同時自爆其服裝品牌有份贊助港足球員西裝同服裝，大讚港隊球員個個fit到漏，笑言連佢自己都認唔出佢哋身上嘅西裝係其品牌出品喎。